Næst á dagskrá.....

Hvað les Ásta Möller úr þessu sem ég get ekki séð...Tannskemmdir

Eitthvað að misskilja

Þetta skrifar Ásta Möller - http://www.breidholtid.is/?id=96

Færsla Ástu Möller....... eitthvað virðist hún klippa það mikilvægasta úr textanum.....

---

27.04.2007 - Rangfærslur í auglýsingu Samfylkingarinnar

Þá var spiluð auglýsing Samfylkingarinnar með rödd eins frambjóðanda flokksins um stefnu hans varðandi tannheilsu íslenskra barna. Þar var fullyrt að hún hafi versnað á síðustu árum.

Þetta er einfaldlega rangt.

Hér er líklega verið að vísa í nýlega kynnta rannsókn á tannheilsu Íslendinga. Hana má nálgast hér , en þar er m.a. borin saman tannheilsa íslenskra barna á árunum 1995 og 2005

Þar segir m.a eftirfarandi:

"Tíðni tannskemmda meðal barna og unglinga á Íslandi lækkaði mjög hratt á árunum 1986-1996 en undanfarin áratug virðist hafa hægt mjög á þeirri jákvæðu þróun.

Ef eingöngu er miðað við niðurstöður sjónrænnar greiningar nú virðast litlar breytingar hafa átt sér stað á tannheilsu 6, 12 og 15 ára barna og ungmenna undanfarin 10 ár..."

Fullyrðing frambjóðandans um versnandi tannheilsu íslenskra barna stenst því ekki og er röng.

Þetta eru óvönduð vinnubrögð frá hendi Samfylkingarinnar og vekur spurningar um annað áróðursefni sem frá þeim kemur.

Ásta Möller, skipar 4 sæti á framboðslista Sjálfstæðisflokksins í Reykjavík suður.

---

Þessi texti er tekin af http://lydheilsustod.is/frettir/tannvernd/nr/1986

Tíðni tannskemmda meðal barna og unglinga á Íslandi lækkaði mjög hratt á árunum 1986-1996 en undanfarin áratug virðist hafa hægt mjög á þeirri jákvæðu þróun.

Ef eingöngu er miðað við niðurstöður sjónrænnar greiningar nú virðast litlar breytingar hafa átt sér stað á tannheilsu 6, 12 og 15 ára barna og ungmenna undanfarin 10 ár en þegar niðurstöður röntgenskoðunar bætast við er ljóst að tíðni tannskemmda fer vaxandi og áhyggjuefni er hversu mikið er um að ekki sé gert við tannskemmdir (D3T) – bæði hjá 12 og 15 ára börnum og ungmennum.

Selja Landsvirkjun ?

Að selja Landsvirkjun er ekki boðlegt fyrir fólkið í landinu, sama hvað Sjálfstæðismenn segist get gert fyrir peninginn.

Væntnlega ætla þeir ekki að borga þeim sem þeir tóku landið af með eignarnámi, vænti þess nú ekki.

Kannski segjast þeir ætla að laga vegi, en á þeim vegum sem þarf að laga er nú ekkert GSM símasamband -> af hverju ætli það sé? Áður en síminn var einkavæddur átti að vera búið að klára þennan hring en það var ekki gert og Grunnnetið mátti ekki selja sér því það er nú EKKI hægt að skilgreina það -> samanber fyrirtækið Mílan....

Er fólk í alvöru ekkert uggandi yfir þessari þróun. Hvað er það versta sem gæti gerst í þessari stöðu ? En það besta.

Ég segi burt með Ríkisstjórnina, ríkisstjórn sem hlustar ekki á fólkið í landinu, ríkisstjórn sem tekur ákvarðanir í bakherbergjum....

Metbiðlistar á Barna- og unglingageðdeild Landspítalans.

BUGL (Barna- og unglinga geðeild Landspítalans )

170 börn bíða eftir að fá páss hjá BUGL en þar eru 17 legu pláss í boði. (Fréttablaðið, 21.apríl 2007)

Er fólk sátt við, þess stefnu í heilbrigðismálum ?

Er þetta velferðarþjóðfélagið sem við búum í ?

Ætlar fólk jafnvel að kjósa flokkinn sem er búið að vera við völd síðustu 16 ár aftur til að tryggja að svona verði áfram haldið ?

Ég þekki einstaklinga sem hafa átt við geðræn vandamál sem börn, einstaklinga sem nú eru full gildir meðlimir þjóðfélagsins, en það eru þeir sem hafa fengið pláss á BUGL. Aðra þekki ég sem fengu ekki aðstoð og eru nú fastir í klóm vímuefna, ekki það sé algilt en allir hljóta vera sammála um að við viljum ekki að börnunum okkar NÉ BÖRNUM ANNARA LÍÐI ILLA vegna biðlista Sjálfstæðisflokks og Framsóknarflokks.

Fólk flytjast búferlum til Reykjavíkur til að bjarga barninu sínu því sjaldnast er hægt að leita sér aðstoðar í byggðalögum landsins, nema að mjög takmörkuðu leiti, skólasálfræðingar koma kannski 1 sinni í mánuði. En hvað gerir fólk ekki fyrir börnin sín!!!

http://www.samfylkingin.is/ Skoðið Unga Ísland.

KYNÞOKKI ÞINGMANNA OG -KVENNA

Í Fréttablaðinu í gær var verið að fjalla um hvaða þingmaður bæri mesta kynþokkann. Ýmsir voru þar nefndir til sögunnar og fór ég aðeins að ræða þessa útlistun í vinnunni, aðeins var skeggrætt um hverjir ættu ekki heima þarna og hverja vantaði inn á þennan lista að okkar mati. En þá leiddi ein spurning upp í huga minn: Kemur það eitthvað pólitík við að hafa kynþokka, er það eitthvað sem kemur fólki áfram í pólitík ?

Annars er glæsilegt blað Samfylkingarinnar komið út í kraganum, Til hamingju með það Samfylkingarfólk.

Frábær landsfundur. Landsfundur sem segir.....

Um helgina var ég á glæsilegum landsfundi Samfylkingarinnar. Setningarræða formannsins var aðeins upphaf að frábærri helgi. Laugardagurinn var snilldin ein, þá sáðu allir hversu glæsileg framtíð flokksins, ungt og efnilegt fólk í hverju kjördæmi,fullbúnir stjórnmálamenn sem vilja gefa allt sitt í barátturna fyrir jafnrétti. Ræður afhafnamanna voru með áherslu á launajafnrétti, hvatning til kvenna til að ná langt, ræður sem sögðu okkur að Samfylkingin er á réttri leið, réttri leið til sigurs fyrir þjóðfélagið. Ég er stolt af því að tilheyra Jafnaðarmannaflokki Íslands, flokk sem á eftir að breyta því hvernig við hugsum um orðin : jafnrétti, jöfnuður, velferðarkerfi og heilbrigðisþjónusta svo einhver séu upptalin. Orðin eiga loksins eftir að fá virkilega meiningu í eyru.allra. Orð sem hafa hingað til verið tylliorð ráðmanna þegar þeir eru að reyna að sannfæra okkur um að allt sé eins og það á að vera.Ég hvet alla til að kynna sér málefni Samfylkingarinnar.