Tryggvi Þór Herbertsson efnahagsráðgjafi vs. Tryggvi Þ. Herbertsson frambjóðandi

Úr DV í dag 7. apríl 2009:

ANNAÐ HRUN YFIRVOFANDI

Ekkert getur komið í veg fyrir að húsnæðisverð muni lækka stórlega á
næstu mánuðum og misserum. Seðlabankinn spáir 47 prósent verðfalli á
næstu þremur árum, frá því verðið var hæst í lok árs 2007. Tryggvi Þór
Herbertsson hagfræðingur segir að keðjuverkun muni leiða til enn meira
hruns, verði ekkert að gert. Þá geti allir þeir sem skuldi lent í
vandræðum og fólk misst trú á samfélaginu.


Úr Morgunblaðinu: 9. nóvember 2008

"Tryggva blöskrar umræðan í þjóðfélaginu um stöðu íslensks
efnahagslífs. „Núna finnst mér ástandið vera þannig að það keppir hver
við annan með yfirboðum í svartnættinu, hrakspám fyrir Ísland. Og menn
gerast jafnvel svo djarfir að líkja því við mestu óáran í sögu
þjóðarinnar, móðuharðindin, segja að hér verði varla líft árum saman
eða í áratugi, og spá atvinnuleysi að lágmarki 10%, jafnvel 20%. En ef
maður leggur þetta aðeins niður fyrir sér er augljóst að ekkert
tilefni er til svona ofboðslegrar svartsýni."

 

og hvorum á maður að trúa ??